لاہورمیں قلعہ گجر سنگھ تھانے کی محافظ فورس کے اہلکاروں نے قانون کے رکھوالے ہونے کے بجائے خود قانون شکنی شروع کر دی۔ واردات میں ملوث اہلکاروں نے سکھر سے کاروباری مقاصد کے لیے لاہور آنے والے ایک تاجر کو اغوا کر لیا۔
پولیس کے مطابق وردی میں ملبوس محافظوں نے مغوی تاجر کو جعلی پولیس مقابلے میں قتل کرنے کی دھمکیاں دیں اور دورانِ حراست بدترین تشدد کا نشانہ بنایا۔ ایف آئی آر کے مطابق پانچ اہلکار تاجر کو اے ٹی ایم لے گئے جہاں اسے زبردستی ایک لاکھ روپے نکالنے پر مجبور کیا گیا۔
واقعے کی سی سی ٹی وی فوٹیج سامنے آنے کے بعد محافظ فورس کے اہلکاروں کی کارروائی بے نقاب ہوگئی جس کے بعد تھانہ پرانی انارکلی میں ملوث اہلکاروں کے خلاف مقدمہ درج کر لیا گیا ہے۔
کراچی سے پنجاب جاتے ہوئے اسکریپ کا تاجر مبینہ طور پر اغوا
پولیس حکام کا کہنا ہے کہ واردات میں ملوث اہلکاروں کی شناخت کر لی گئی ہے اور ان کی گرفتاری کے لیے چھاپے مارے جا رہے ہیں۔
