پاکستانی فضائی حدود کی بندش نے بھارتی فضائی کمپنیوں کو شدید بحران سے دوچار کر دیا ہے۔ حکومتی ائیرلائن ائرانڈیا کو اب تک پچاس ارب روپے سے زائد کے خسارے کا سامنا کرنا پڑا ہے، جس کے بعد کمپنی نے وزیر اعظم نریندر مودی سے مالی امداد اور بین الاقوامی پروازوں کے لیے سبسڈی کی اپیل کر دی ہے۔
ائرانڈیا نے باقاعدہ طور پر مودی حکومت کو خط لکھ کر صورتحال کی سنگینی سے آگاہ کیا اور مطالبہ کیا کہ موجودہ حالات میں سبسڈی کے بغیر بین الاقوامی آپریشن جاری رکھنا ممکن نہیں۔
بھارتی طیارے راستے میں بار بار اترنے پر مجبور، ایئرلائن کے شیئر گر گئے، پروازیں منسوخ
ذرائع کے مطابق پاکستانی فضائی حدود کی بندش کے بعد ائرانڈیا کو یورپ جانے والی پروازوں کے لیے ویانا کو ٹرانزٹ اسٹیشن کے طور پر استعمال کرنا پڑ رہا ہے۔ ایک ہی دن میں ائرانڈیا کے بیس طیارے ویانا میں ری فیولنگ اور عملے کی تبدیلی کے لیے رکے۔
طویل روٹس اور اضافی ایندھن کے اخراجات نہ صرف کمپنی کے لیے بلکہ بھارتی حکومت کے لیے بھی پریشانی کا باعث بن چکے ہیں۔ بھارتی ایوی ایشن ذرائع کے مطابق ان اخراجات نے مودی حکومت کی نیندیں اڑا دی ہیں۔
مودی کا بھارتی معیشت پر تباہ کن حملہ، ایئر لائن انڈسٹری کریش کر گئی
تجزیہ کاروں کا کہنا ہے کہ مودی حکومت کی جارحانہ پالیسیوں کا خمیازہ اب ملکی اداروں کو مالی بحران کی صورت میں بھگتنا پڑ رہا ہے، اور اگر یہی روش جاری رہی تو مزید قومی ادارے بھی خسارے کی لپیٹ میں آ سکتے ہیں۔
