جنوبی وزیرستان میں ایف سی چیک پوسٹ کے قریب دھماکے کے نتیجے میں دو معصوم بچے جاں بحق جبکہ ایک زخمی ہو گیا۔ دھماکے کے بعد علاقے میں خوف و ہراس پھیل گیا۔
ذرائع کا کہنا ہے کہ جاں بحق بچوں کی لاشیں اور زخمی بچے کو فوری طور پر قریبی اسپتال منتقل کر دیا گیا ہے، جہاں زخمی کو طبی امداد فراہم کی جا رہی ہے۔
پولیس نے موقع پر پہنچ کر علاقے کو گھیرے میں لے لیا ہے اور دھماکے کی نوعیت اور محرکات جاننے کے لیے تحقیقات کا آغاز کر دیا گیا ہے۔
تاحال دھماکے کی ذمہ داری کسی گروہ نے قبول نہیں کی تاہم سیکیورٹی ادارے واقعے سے متعلق مختلف پہلوؤں کا جائزہ لے رہے ہیں۔
