پاکستان اسٹاک ایکسچینج میں کاروباری دن کے آغاز پر منفی رجحان دیکھا گیا۔ کاروبار کے دوران 100 انڈیکس میں 400 پوائنٹس سے زائد کی نمایاں کمی ریکارڈ کی گئی۔

تازہ ترین اعداد و شمار کے مطابق 100 انڈیکس 400 پوائنٹس کی کمی کے بعد 1 لاکھ 13 ہزار 800 پوائنٹس کی سطح پر آ گیا۔ ماہرین کا کہنا ہے کہ سیاسی اور معاشی غیر یقینی صورتحال کی وجہ سے سرمایہ کاروں کا اعتماد متاثر ہو رہا ہے، جس کے باعث فروخت کا دباؤ بڑھتا جا رہا ہے۔

کاروباری حلقوں نے مارکیٹ میں استحکام لانے کے لیے فوری اقدامات کی ضرورت پر زور دیا ہے تاکہ سرمایہ کاری کا ماحول بہتر بنایا جا سکے۔