بنوں کے علاقے بکاخیل میں پولیس نے دہشت گردی کی بڑی کوشش ناکام بنا دی گئی ۔ پولیس کے مطابق تھانہ بکاخیل کی حدود میں دو درجن سے زائد دہشت گردوں کی مشکوک نقل و حرکت کو مانیٹر کیا گیا تھا۔
پولیس حکام کا کہنا ہے کہ دہشت گردوں کی سرگرمیوں پر تھرمل کیمروں کی مدد سے نظر رکھی گئی اور بروقت جوابی کارروائی کی گئی، جس کے نتیجے میں حملہ آور فرار ہو گئے۔
پولیس نے دہشت گردوں کی گرفتاری کے لیے سرچ آپریشن شروع کر دیا ہے اور علاقے میں سکیورٹی مزید سخت کر دی گئی ہے۔ حکام نے کہا کہ پولیس کی مستعدی اور جدید ٹیکنالوجی کے استعمال سے دہشت گردوں کا منصوبہ ناکام بنایا گیا۔
