انسداد دہشت گردی عدالت میں مصطفی عامر قتل کیس کے مرکزی ملزم ارمغان کے خلاف منی لانڈرنگ کا کیس سماعت کے لیے پیش کیا گیا۔ ایف آئی اے کی ٹیم نے ملزم ارمغان کو عدالت میں پیش کیا اور بتایا کہ مقدمے کا عبوری چالان لے کر آئے ہیں، تاہم انہیں مزید ریمانڈ کی ضرورت نہیں ہے۔ اسسٹنٹ ڈائریکٹر ایف آئی اے نے کہا کہ تحقیقات مکمل ہو چکی ہیں اور مقدمے کا حتمی چالان پیش کیا جائے گا۔
عدالت نے ملزم ارمغان کو عداتی ریمانڈ پر جیل بھیجتے ہوئے ایف آئی اے کو ہدایت کی کہ وہ مقدمے کا حتمی چالان عدالت میں پیش کریں۔
اسی دوران انسداد دہشت گردی منتظم عدالت میں ارمغان کے خلاف ایک اور مقدمہ کی سماعت ہوئی جس میں ملزم پر غیرقانونی کال سینٹر چلانے کا الزام تھا۔ ایف آئی اے نے اس نئے مقدمے کے لیے ریمانڈ کی این او سی حاصل کر لی اور ملزم کو متعلقہ عدالت میں پیش کرنے کی درخواست کی۔
