وفاقی وزیر اطلاعات عطاء تارڑ نے واضح کیا ہے کہ پاکستان میں کام کرنے والی کسی بھی کمپنی کا اسرائیل سے کوئی تعلق نہیں ہے۔ انہوں نے کہا کہ صرف کسی بیانیے کی بنیاد پر کمپنیوں کو نشانہ بنانا ناقابل قبول ہے۔

پاکستانی نجی چینل سے گفتگو کرتے ہوئے عطاء تارڑ نے کہا کہ حالیہ دنوں میں ملکی فوڈ چینز پر حملوں کے واقعات سامنے آئے ہیں، جہاں نامعلوم افراد نے مختلف ریسٹورنٹس کو نقصان پہنچایا۔

کراچی میں غیر ملکی فوڈ چین ریسٹورنٹ پر حملہ-4 گرفتار

وزیر اطلاعات نے زور دیتے ہوئے کہا کہ ملک میں انتشار پھیلانے کی کسی بھی کوشش کو روکنا ریاست کی اولین ذمہ داری ہے۔ انہوں نے عوام سے اپیل کی کہ وہ افواہوں اور سوشل میڈیا پر پھیلائی جانے والی غیر مصدقہ خبروں پر یقین نہ کریں۔

اسلام آباد؛ ای الیون 2 میں غیر ملکی فوڈ چین پر نامعلوم افراد کی توڑ پھوڑ، 4 ملزمان گرفتار

عطاء تارڑ نے کہا کہ حکومت تمام حقائق کو مدنظر رکھتے ہوئے کسی بھی اقدام کی اجازت دے گی، اور کسی بھی غیرقانونی عمل کے خلاف سخت کارروائی کی جائے گی۔