حکومت پنجاب نے اہم اعلان کرتے ہوئے کسانوں کو صوبے سے گندم کی نقل و حمل کی باقاعدہ اجازت دے دی۔

تفصیلات کے مطابق کاشت کار بھائیوں کے لیے پنجاب حکومت کی جانب سے اہم اعلان کیا گیا ہے جس کے تحت کسانوں کو صوبے سے گندم کی نقل و حمل کی باقاعدہ اجازت مل گئی۔

بین الصوبائی سرحدوں پر گندم کی آمدورفت پرروک ٹوک نہیں ہوگی جبکہ پنجاب سے گندم کی نقل و حمل کی اجازت سے کاشتکار کو فصل کا پورا فائدہ مل سکے گا۔

وزیراعلیٰ پنجاب مریم نواز نے گندم کے لیے ڈی ریگولیشن اورفری مارکیٹ پالیسی جاری کرنے کی منظوری دے دی۔

پنجاب میں پہلی مرتبہ نجی سیکٹر کے ذریعے گندم خریداری کی جائے گی۔