کینیڈا کے شہر ٹورنٹو میں رات ایک پب میں فائرنگ کا افسوسناک واقعہ رونما ہوا۔ جس کے نتیجہ میں 11 افراد شدید زخمی ہوئے ہیں،حالت تشویشناک ہے ۔
تفصیلات کے مطابق ٹورنٹو پولیس اسکاربورو میں جمعے کی رات ہونے والی فائرنگ کی تحقیقات کر رہی ہے جس میں کم از کم 11 افراد زخمی ہوئے تھے۔ حکام کا کہنا ہے کہ یہ واقعہ پروگریس ایونیو اور کارپوریٹ ڈرائیو کے قریب رات تقریباً 10.30 بجے پیش آیا۔
حکام کے مطابق علاقے میں ایک پب کے اندر فائرنگ سے متعدد افراد ہلاک ہوئے۔ متاثرین کی حالت کے بارے میں ابھی واضح معلومات نہیں ہیں۔
امریکی ریاست اوہائیو میں فائرنگ سے 1 شخص ہلاک ، 5 زخمی
ٹورنٹو کے پیرامیڈیکس نے کینیڈا کے CP24 میڈیا کو بتایا کہ یہ ایک غیرمعمولی صورتحال ہے اور زیادہ تر زخمیوں کی حالت انتہائی تشویشناک بتائی جارہی ہے۔
ایمرجنسی سروسز جائے وقوعہ پر پہنچ گئیں اور سیکیورٹی افسران نے علاقے کو گھیر لیا اور زخمیوں کو امداد فراہم کی۔
امریکا: اسکول میں فائرنگ کرنیوالی 15 سالہ طالبہ کی شناخت ہوگئی
حکام نے ابھی تک ممکنہ محرکات یا حملے میں استعمال ہونے والے ہتھیار کے بارے میں معلومات جاری نہیں کی ہیں۔
پولیس نے تصدیق کی کہ مشتبہ شخص فرار ہے، اور ذمہ دار کو تلاش کرنے کے لیے تلاش جاری ہے۔ شوٹر کی شناخت یا متاثرین سے ممکنہ رابطوں کے بارے میں مزید تفصیلات فراہم نہیں کی گئیں۔
علاقے کے رہائشیوں سے کہا گیا ہے کہ وہ چوکس رہیں اور کسی بھی مشکوک سرگرمی کی اطلاع قانون نافذ کرنے والے اداروں کو دیں۔
