مالاکنڈ یونیورسٹی کے بعد ہری پور یونیورسٹی میں بھی طالبہ کو ہراساں کرنے کی مبینہ ویڈیو سامنے آگئی۔

سیکورٹی انچارج اور طالبہ کی مبینہ ویڈیو لیک ہونے پر وائس چانسلر نے سیکیورٹی سپروائزر کو معطل کرکے انکوائری شروع کردی۔

مالاکنڈ یونیورسٹی میں جنسی ہراسانی اسکینڈل کا انکشاف، پروفیسر گرفتار، مقدمہ درج

یونیورسٹی آف ہری پور کے سیکیورٹی سپروائزر سفیر احمد اور مبینہ یونیورسٹی طالبہ کی گفتگو کی وڈیو وائرل ہوگئی، جس پر وائس چانسلر نے سیکیورٹی سپروائزر کو معطل کے انکوائری کے لئے کمیٹی مقرر کر دی۔

ملاکنڈ یونیورسٹی کے لیکچرار عبدالحسیب پر ہراسانی کے الزامات ثابت ہو گئے

ذرائع نے بتایا کہ کچھ عرصہ سے مذکورہ سیکیورٹی سپروائزر کے خلاف شکایات آرہی تھیں جس پر کارروائی کی گئی ہے، ویڈیو کے حوالے سے یونیورسٹی میں مختلف چہ گوئیاں بھی جاری ہیں اور اس واقعہ کے خلاف طلباء نے احتجاج شروع کردیا ہے۔

یاد رہے کہ 4 فروری کو مالاکنڈ یونیورسٹی میں بھی طالبہ کو ہراساں کرنے کی شکایت پر مقدمہ درج کیا گیا تھا۔