فلسطین کی مزاحمتی تنظیم حماس کے بانی شیخ احمد یاسین شہید نے اسرائیل کے خاتمے کی پیشگوئی کی تھی اور کہا تھا کہ اسرائیل کی بنیاد ظلم پر ہے۔

حماس کے بانی شیخ احمد یاسین شہید کا ایک پرانا انٹرویو کلپ دوبارہ وائرل ہو رہا ہے جس میں انہوں نے اسرائیل کے خاتمے سے متعلق پیشگوئی کرتے ہوئے کہا تھا کہ اسرائیل کی بنیاد ظلم پر ہے، اور ظلم پر کوئی چیز ہمیشہ قائم نہیں رہتی۔

1999 میں ایک عرب میڈیا کو انٹرویو میں اسرائیل کے مستقبل کے بارے میں سوال کے جواب میں ان کا کہنا تھا کہ دنیا میں کوئی طاقت ہمیشہ نہیں رہتی، جیسے انسان بچپن، جوانی اور بڑھاپے کے مراحل سے گزرتا ہے، اسی طرح ممالک کا بھی خاتمہ ہوجاتا ہے۔

حماس کو اسرائیل پر 7 اکتوبر کے حملے کا پچھتاوا؟

رپورٹ کے مطابق حماس کے بانی شیخ احمد یاسین نے پیشگوئی کرتے ہوئے دعویٰ کیا تھا کہ 21ویں صدی کے ابتدائی 25 سالوں میں اسرائیل دنیا سے مٹ جائے گا، اور سال 2027 میں اسرائیل نہیں رہے گا۔

شیخ احمد یاسین شہید سے جب وجہ دریافت کی گئی تو انہوں نے کہا تھا کہ “قرآن ہمیں بتاتا ہے کہ 40 سال میں ایک نسل تبدیل ہوتی ہے۔

نیتن یاہو نے یورپی پارلیمنٹ کی رکن کو اسرائیل میں داخلے سے روک دیا

انہوں نے دوران انٹرویو تاریخی حوالہ دیتے ہوئے کہا تھا کہ پہلے 40 سال 1948 سے 1987 میں نکبہ ہوا، جب فلسطینیوں کو ان کی زمینوں سے بے دخل کیا گیا۔ اگلے 40 سال 1987 سے 2027 میں انتفاضہ اور مسلح جھڑپوں کا دور رہا۔ اگلے 40 سال میں اسرائیل ختم ہو جائے گا۔

واضح رہے کہ شیخ احمد یاسین نے سنہ 1987 میں فلسطین کی مزاحمتی تنظیم حماس کی بنیاد رکھی۔ سنہ 1982 اور 1991 میں اسرائیل نے انہیں قید میں رکھا، لیکن بعد میں قیدیوں کے تبادلے میں رہا کر دیا گیا۔ 22 مارچ 2004 کو اسرائیل نے غزہ میں فضائی حملہ کر کے نمازِ فجر کے دوران انہیں شہید کر دیا۔