بھارتی ماڈل اور اداکارہ پونم پانڈے ہمیشہ کسی نہ کسی تنازع کا شکار رہتی ہیں، اور حال ہی میں ایک مداح کی غیر اخلاقی حرکت نے انہیں دوبارہ خبروں کی زینت بنا دیا ہے۔
سوشل میڈیا پر وائرل ہونے والی ایک ویڈیو میں ایک مداح، سیلفی لینے کے بہانے، اداکارہ کے گال پر بوسہ دینے کی کوشش کرتا ہے۔ تاہم، فوٹوگرافر کی بروقت مداخلت نے صورت حال کو مزید بگڑنے سے بچا لیا۔
یہ واقعہ اس وقت پیش آیا جب پونم پانڈے میڈیا سے گفتگو کر رہی تھیں۔ اچانک ایک مداح ان کے قریب آیا اور سیلفی لینے کے لیے درخواست کی۔ جیسے ہی پونم پانڈے نے سیلفی کے لیے پوز دیا، مداح نے غیر متوقع طور پر انہیں بوسہ دینے کی کوشش کی۔ اداکارہ نے فوراً ردعمل دیتے ہوئے اسے پیچھے دھکیل دیا، اور فوٹوگرافرز نے بھی اس حرکت کی مذمت کی۔
حقیقت یا محض ایک پبلسٹی اسٹنٹ؟
یہ ویڈیو وائرل ہوتے ہی سوشل میڈیا پر مختلف آراء سامنے آئیں۔ کچھ صارفین نے اس واقعے پر تشویش کا اظہار کیا اور مداح کے رویے کو بدتمیزی قرار دیا، جبکہ کچھ لوگوں نے اسے محض ایک پبلسٹی اسٹنٹ قرار دیا۔
لوگوں کی توجہ حاصل کرنے کیلئے پونم پانڈے نے شرمناک تصاویر شیئر کردیں
ایک صارف نے تبصرہ کیا کہ ’یہ سب مشہوری حاصل کرنے کا طریقہ ہے۔‘ جبکہ دوسرے نے کہا، ’اداکاری بہت بُری تھی‘ بعض لوگوں نے تو یہاں تک کہا کہ یہ محض ایک منصوبہ بند ڈراما تھا تاکہ پونم پانڈے دوبارہ سرخیوں میں آسکیں۔
پونم پانڈے اور متنازعہ شہرت
یہ پہلا موقع نہیں جب پونم پانڈے کسی تنازع میں گھری ہوں۔ اس سے قبل وہ اپنی جعلی موت کی خبر پھیلانے پر شدید تنقید کا شکار ہوچکی ہیں۔
جنوری میں یہ افواہ پھیلی تھی کہ پونم پانڈے سروائیکل کینسر کے باعث انتقال کر گئی ہیں۔ تاہم، بعد میں انکشاف ہوا کہ یہ سب ایک آگاہی مہم کا حصہ تھا۔ اداکارہ نے وضاحت دی کہ اس کا مقصد دیہی خواتین میں سروائیکل کینسر کے متعلق شعور اجاگر کرنا تھا۔ لیکن اس متنازعہ طریقہ کار کی وجہ سے انہیں شدید مخالفت کا سامنا کرنا پڑا۔
پلاسٹک سرجری کرواکر خوبصورتی حاصل کرنے والی ٹی وی اداکارائیں
پونم پانڈے کا مستقبل کا منصوبہ
پونم پانڈے جلد ہی ایک نئے شو ’کس عشق این کنکشن‘ کے دوسرے سیزن کی میزبانی کریں گی۔ دیکھنا یہ ہے کہ آیا وہ اپنے کیریئر کو تنازعات سے ہٹ کر آگے لے جا سکیں گی یا پھر شہرت کے لیے اسی طرح کے ہتھکنڈے آزماتی رہیں گی۔
پونم پانڈے کے ساتھ ہونے والے اس واقعے نے کئی سوالات کو جنم دیا ہے۔ آیا یہ واقعی ایک ناخوشگوار واقعہ تھا یا پھر ایک نیا پبلسٹی اسٹنٹ؟ سوشل میڈیا پر ملے جلے ردعمل کے باوجود، ایک بات تو طے ہے کہ پونم پانڈے خبروں میں رہنے کا فن بخوبی جانتی ہیں۔
