سنگترے کا رس جلد اور بالوں کے لیے ایک قدرتی اور موثر علاج ثابت ہو سکتا ہے۔ اس میں موجود وٹامن سی اور دیگر غذائی اجزاء آپ کی جلد اور بالوں کی صحت کو بہتر بنانے میں مدد دیتے ہیں۔

سنگترے کے رس کا باقاعدہ استعمال آپ کی جلد کو نمی فراہم کرتا ہے، مہاسوں کو کم کرتا ہے، اور جلد کی جھریوں کے عمل کو سست کرتا ہے۔ اسی طرح، یہ آپ کے بالوں کو نرم، چمکدار اور مضبوط بناتا ہے، ساتھ ہی خشکی سے بھی نجات دلاتا ہے۔

سونف، زیرہ اور اجوائن کا پاؤڈر، ہاضمے کے مسائل کا قدرتی علاج

اگر آپ چاہتی ہیں کہ آپ کی جلد اور بال ہمیشہ صحت مند اور خوبصورت رہیں، تو سنگترے کے رس کو اپنے روزمرہ کے معمولات میں شامل کریں اور ان کے حیرت انگیز فوائد سے فائدہ اٹھائیں۔

سنگترے کے جوس کے فوائد جلد اور بالوں کے لیے

جلد کے لیے اورنج جوس کے فوائد:

مہاسوں کو روکنے میں مددگار

سنگترے میں موجود سائٹرک ایسڈ فعال مہاسوں کی روک تھام کے لیے فائدہ مند ہے۔ یہ تیل کی پیداوار کو کنٹرول کرتا ہے، جلد کے مساموں کو صاف کرتا ہے، اور گندگی کو دور کرتا ہے۔

سوڈا مشروبات پینے سے جسم میں کونسی خطرناک بیماریاں جنم لیتی ہیں؟

عمر بڑھنے کے عمل کو سست کرنا

وٹامن سی کی موجودگی سنگترے کو عمر بڑھنے کی علامات جیسے جھریوں اور فائن لائنز کو کنٹرول کرنے میں مدد دیتی ہے۔ یہ کولیجن کی پیداوار کو بڑھاتا ہے، جس سے جلد نرم اور جوان رہتی ہے۔

جلد کو صاف رکھنا

سنگترے میں موجود اینٹی آکسیڈنٹس جلد پر جمع ہونے والے زہریلے مادوں کو صاف کرتے ہیں اور جلد کی صحت کو برقرار رکھتے ہیں۔

جلد کو ہائیڈریٹ کرنا

سنگترے کا رس جلد کی نمی کو برقرار رکھنے میں مدد دیتا ہے، جس سے جلد نرم، چمکدار اور صحت مند نظر آتی ہے۔

جلد پر اورنج جوس کا استعمال

فیس پیک کے طور پر

پہلے اپنی جلد کو صاف کریں۔

روئی کی گیند سے سنتری کا رس لگائیں۔

تقریباً 10 منٹ کے لیے چھوڑ دیں، پھر پانی سے دھو لیں۔

اورنج جوس آئس کیوبز

اورنج جوس کو آئس ٹرے میں ڈال کر جمنے دیں۔

جمنے کے بعد، آئس کیوبز کو جلد پر رگڑیں، 5-7 منٹ کے بعد پانی سے صاف کریں۔

نوٹ: سنگترے کا رس لگانے کے بعد فوراً صابن یا فیس واش استعمال نہ کریں اور سورج کی روشنی سے بچیں۔

بالوں کے لیے اورنج جوس کے فوائد:

بالوں کو کنڈیشن کرنا

سنگترے میں موجود وٹامن ای اور اینٹی آکسیڈنٹس آپ کے بالوں کو گہری کنڈیشنگ فراہم کرتے ہیں، جس سے بال نرم اور صحت مند بنتے ہیں۔

خشکی سے لڑنا

سنگترے کا رس خشکی کے مسئلے کو حل کرنے کے لیے مؤثر ہے۔ یہ کھوپڑی کو صاف اور نم کرتا ہے، جس سے خشکی کم ہوتی ہے۔

بالوں کی نشوونما میں مدد

سنگترے کا رس بالوں کی جڑوں کو مضبوط کرتا ہے، بالوں کی نشوونما کو فروغ دیتا ہے، اور ٹوٹے ہوئے فولیکلز کو بہتر کرتا ہے۔

بالوں میں چمک

سنگترے کا رس بالوں کی ساخت کو بہتر کرتا ہے اور چمک پیدا کرتا ہے۔

بالوں میں اورنج جوس کا استعمال

سر کی مالش

اورنج جوس اور زیتون کا تیل ملا کر سر پر لگائیں۔

کچھ دیر مساج کریں، پھر 5-10 منٹ کے لیے چھوڑ دیں اور پانی سے صاف کریں۔

اورنج جوس اور پانی کا مکسچر بنا کر بالوں پر لگائیں۔

سر کی مالش کریں اور 5 منٹ بعد پانی سے دھو لیں۔

نوٹ: اورنج جوس لگانے کے بعد، سورج کی براہ راست روشنی سے بچیں۔