ایٹمی پروگرام سے متعلق بیان دینے پر ایران نے اسرائیل اور امریکہ کو خبردار کر دیا۔

غیر ملکی میڈیا کے مطابق ایرانی وزارت خارجہ نے بیان میں کہا کہ ایران نے اپنے ایٹمی پروگرام کا دفاع کیا ہے اور وہ اسے جاری رکھنے میں کوئی خوف محسوس نہیں کرے گا۔

رپورٹ کے مطابق ترجمان نے کہا کہ ایران کا پرامن ایٹمی پروگرام جاری ہے اور یہ تین دہائیوں سے پرامن ہے جب کہ این پی ٹی ممبر ہونے کی بنیاد پر ایران کو یہ حق حاصل ہے کہ وہ کسی بھی صورت اپنے ایٹمی پروگرام پر کمزوری واضح نہ کرے۔

امریکا سے 2 ہزار ٹن وزنی بموں کی کھیپ اسرائیل پہنچ گئی

واضح رہے کہ اسرائیلی وزیراعظم نیتن یاہو نے اتوار کو امریکی وزیر خارجہ مارکو روبیو سے ملاقات کے بعد کہا تھا کہ امریکا اور اسرائیل ایران کے ایٹمی مقاصد کو روکنے کے لیے پرعزم ہیں۔

اسرائیل رواں سال ایران کی جوہری تنصیبات پر حملہ کرسکتا ہے، امریکی انٹیلیجنس

امریکی وزیر خارجہ کا کہنا تھا کہ ہردہشتگرد گروپ کے پیچھے، ہر تشدد کے پیچھے، ہر عدم استحکام کی سرگرمی کے پیچھے اور خطے میں کروڑوں لوگوں کے امن کو لاحق خطرے کے پیچھے ایران ملوث ہے۔