موسم بہار کی آمد پر کوئٹہ میں بسنت میلہ سج گیا اور آسمان رنگ برنگی پتنگوں سے بھر گیا۔

کوئٹہ میں موسم بہار کا استقبال بسنت میلے سے کیا گیا۔ اس موقع پر پتنگ کی دکانوں میں نوجوانوں کی ٹولیاں امڈ آئیں۔

ان نوجوانوں کا کہنا تھا کہ پتنگ بازی پر پابندی کی بجائے اس کے قواعد وضابطوں کا تعین کیا جائے۔

پتنگ بازی کرنے کے لیے اس بار ملک کے دیگر شہروں سے بھی لوگ آئے تاکہ اپنے شوق میں تکمیل کرسکیں۔

پتنگ بازی کو دھاتی ڈور کے استعمال اور ہوائی فائرنگ جیسے جان لیوا اقدامات سے پاک کرکے اسے بہترین تفریح بنایا جاسکتا ہے۔