نیشنل اوشینک اینڈ ایٹموسفیرک ایڈمنسٹریشن نے ٹائٹن آبدوز کے تباہ ہونے کی چونکا دینے والی آڈیو جاری کی ہے جس میں سوار پانچ افراد ہلاک ہو گئے تھے۔

واضح رہے کہ جون 2023 میں 112 برس قبل ڈوب جانے والے بحری جہاز ٹائی ٹینک کی باقیات دیکھنے کیلئے بحر اوقیانوس کی گہرائیوں میں جانے والی سب میرین ٹائٹن پھٹنے سے 2 پاکستانی باپ بیٹا سمیت 5 افراد ہلاک ہوگئے تھے۔

اب امریکی کمپنی کی جانب سے ٹائٹن آبدوز کی دھماکے کی خوفناک آڈیو ریلیز کی گئی ہے۔

غیر ملکی میڈیا رپورٹس کے مطابق امریکی ادارے کی جاری کردہ 20 سیکنڈ کی آڈیو میں کسی چیز کے تباہ ہونے کی آواز ہے اور پھر ایک شور سنائی دیتا ہے۔

لیبیا کشتی سانحے میں جاں بحق 16 پاکستانیوں کی شناخت ہوگئی

امریکی اخبار نیویارک پوسٹ کے مطابق اس ریکارڈنگ کو ایک مورڈ پیوسیو ایکوسٹک کی مدد سے حاصل کیا گیا جہاں سے تقریباً 900 میل دور اوشین گیٹ کی آبدوز پانی کے دباؤ میں پھنس گئی تھی۔

اس حوالے سے امریکی کوسٹ گارڈ نے کہا کہ آڈیو سے معلوم ہوتا ہے کہ یہ ٹائٹن کے آبدوز کے پھٹنے کی آواز کے اخراج کے صوتی اخراج کا مجموعہ ہے۔

بی بی سی نے رپورٹ کیا تھا کہ امریکی کوسٹ گارڈ نے ٹائٹن آبدوز کا آخری رابطہ اس کے معاون جہاز سے ہونے کی اطلاع دی تھی۔

آبدوز جون 2023 میں ٹائٹینک جہاز کے ملبے کو تلاش کرنے کے لیے جا رہی تھی جہاں سمندر کی گہرائی میں جانے کے 2 گھنٹے بعد ہی آبدوز غائب ہوگئی تھی۔