بھارتی کرکٹر رشبھ پنت کی کار حادثے میں جان بچانے میں مدد کرنے والے 25 سالہ شخص نے اپنی گرل فرینڈ کے ساتھ مل کر زہر کھا لیا۔

بھارتی میڈیا رپورٹ کے مطابق کرکٹر کی جان بچانے والے 25 سالہ رجت کمار نے 9 فروری کو اتر پردیش کے مظفر نگر کے ایک گاؤں میں زہر کھایا۔ کمار اور ان کی 21 سالہ گرل فرینڈ منو کشیپ نے اہلخانہ کی جانب سے ان کے تعلق اور شادی کیخلاف ہونے پر مبینہ طور پر زہر کھایا۔

رپورٹ کے مطابق کمار کی گرل فرینڈ منو کشیپ کی دوران علاج موت ہو گئی، جبکہ کمار کی حالت تشویشناک بتائی گئی ہے، جو ہسپتال میں زندگی کی جنگ لڑ رہا ہے۔

میڈیا رپورٹ میں بتایا گیا کہ جوڑے کے اہلخانہ نے ان کی شادی دوسری جگہ کرنے کا انتظام کیا تھا، مگر وہ ایک ساتھ رہنا چاہتے تھے۔ تاہم ان کے اہلخانہ نے مخالفت کی جس کی وجہ دونوں کی مختلف ذات بتائی گی۔

بھارتی کرکٹ ٹیم چیمپئنز ٹرافی کے وارم اپ میچز کھیلے گی یا نہیں؟

رپورٹ کے مطابق گرل فرینڈ منو کشیپ کی موت کے بعد اس کی ماں نے بوائے فرینڈ رجت کمار پر ان بیٹی کو اغوا کرنے اور زہر دینے کا الزام عائد کیا ہے۔

واضح رہے کہ رجت کمار کو بھارتی کرکٹر کی جان بچانے پر دسمبر 2022 میں انہیں بھارت میں قومی ہیرو تک قرار دیا گیا تھا۔ انہوں نے ایک اور مقامی شخص نیشو کمار کے ساتھ مل کر بڑے کار حادثے میں بھارتی کرکٹر کی جان بچائی تھی۔

بھارتی کرکٹرز کو مصنوعی ذہانت نے ”مہا کمبھ میلے“ میں شرکت کروا دی

یاد رہے کہ رشبھ پنت کی کار دہلی سے اتراکھنڈ جاتے ہوئے ٹکرا گئی تھی جس میں وہ شدید زخمی ہوگئے تھے جس کے بعد وہ کئی عرصے سے کرکٹ سے دور ہوگئے تھے۔