لاہورکی ضلعی انتظامیہ نے معذرت کرتے ہوئے پاکستان تحریکِ انصاف کی آٹھ فروری کو جلسے کی اجازت کی درخواست مسترد کردی۔

پی ٹی آئی نے8 فروری کوگریٹراقبال پارک میں جلسے کیلئے درخواست دی تھی، فیصلہ امن و امان کی صورتحال کو برقرار رکھنےکے لیے کیا گیا۔ 8 فروری کولاہورمیں کرکٹ میچ، انٹرنیشنل اسپیکرکانفرنس ہوناہے۔

اس سے قبل لاہور ہائیکورٹ نے لاہورکی ضلعی انتظامیہ کو پی ٹی آئی کی آٹھ فروری کو مینار پاکستان پر جلسے کی درخواست پر شام پانچ بجے تک فیصلہ کرنے کی ہدایت کی تھی۔ پی ٹی آئی کی درخواست کے معاملے پر ڈی سی آفس لاہورمیں جلسے کی اجازت کے حوالے سے غور کیا گیا۔

رہنما پی ٹی آئی عالیہ حمزہ سمیت پی ٹی آئی کی کوئی قیادت ڈی سی آفس نہ پہنچ سکی، آئی ایل ایف کے دو وکلا ڈی سی آفس موجود رہے۔

جلسے کی درخواست پرسماعت کا احوال

لاہورہائیکورٹ میں پی ٹی آئی کی آٹھ فروری کو مینار پاکستان جلسے کی اجازت کے لیے درخواست پر آج صبح سماعت ہوئی۔

جسٹس فاروق حیدر نے چیف آرگنائزر پنجاب پی ٹی آئی عالیہ حمزہ کی درخواست پر سماعت کی اور ڈی سی لاہور کو حکم دیا کہ وہ پی ٹی آئی کی درخواست پر آج شام 5 بجے تک فیصلہ کریں۔

حراستی مراکز کالعدم قرار دینے کے فیصلے کیخلاف اپیل واپس لینے کیلئے پی ٹی آئی کو خط

عدالت نے ڈی سی لاہور سمیت دیگر فریقین کو ہدایت جاری کرتے ہوئے درخواست نمٹا دی تھی۔ لاہور ہائیکورٹ میں چیف سیکریٹری پنجاب زاہد اختر زمان بھی عدالت میں پیش ہوئے۔

جسٹس فاروق حیدر نے کہا کہ آرٹیکل 10 اے کی روشنی میں دو فیصلے ہو سکتے ہیں، یا تو پی ٹی آئی کی درخواست منظور ہو گی یا مسترد کر دی جائے گی۔

سماعت کے دوران انہوں نے مزید کہا کہ اگر پی ٹی آئی کی درخواست مسترد ہو جاتی ہے تو ان لوگوں کے پاس کوئی راستہ نہیں ہوگا۔

ضلعی انتظامیہ نے لاہور میں عورت مارچ کی اجازت دے دی

جسٹس فاروق حیدر نے کہا کہ اگر درخواست پر آج ہی فیصلہ کیا جائے تو اس پر کوئی اعتراض نہیں ہونا چاہیے۔

چیف سیکرٹری پنجاب نے عدالت کے حکم پر عمل کرنے کی یقین دہانی کرائی اور کہا کہ جو بھی عدالت کا حکم ہوگا، ہم اس پر عمل کریں گے۔