ڈونلڈ ٹرمپ کی حلف برداری کی تقریب ان ڈور کرنے کا فیصلہکرلیا گیا ہے۔ نومنتخب امریکی صدر کا کہنا ہے کہ انہوں نے یہ فیصلہ سخت سرد موسم کی وجہ سے کیا ہے۔

خبرایجنسی کی رپورٹ کے مطابق محکمہ موسمیات کا کہنا ہے واشنگٹن ڈی سی میں 20 جنوری کو سردی کا 40 سالہ ریکارڈ ٹونٹے کا امکان ہے۔ جبکہ کم سے کم درجہ حرارت 6 ڈگری اور تیز ہوائیں چلیں گی۔

آخری بار سابق صدر رونالڈ ریگن کی انیس سو پچاسی میں تقریب حلف برداری ان ڈور منعقد ہوئی تھی۔

اپنا حلف یاد رکھیں، صدر جو بائیڈن کا امریکی مسلح افواج کو پیغام

ڈونلڈ ٹرمپ 20 جنوری کو دوسری مدت صدارت کا حلف اٹھائیں گے۔ پہلے یہ تقریب یو ایس کیپٹل ہل کی سیڑھیوں پر ہونا تھی لیکن اب سرد موسم کی وجہ سے اسے کیپٹل ہل کی عمارت کے اندر کرنے کا فیصلہ کیا گیا ہے۔

ایران سے نمٹنے کیلئے ٹرمپ حکومت کا ابتدائی 100 دن کا منصوبہ پیش

بطور نئے امریکی صدر حلف اٹھانے والے ڈونلڈ ٹرمپ نے سوشل میڈیا پر بیان جاری کرتے ہوئے کہا کہ اس وقت امریکا میں سردی کی لہر عروج پر ہے لہٰذا میں نے حلف برداری کی تقریب امریکی کانگریس کے اندر کرنے کا حکم دیا ہے۔

اس تبدیلی کا مطلب ہے کہ ٹرمپ کیپٹل کی سیڑھیوں پر کھڑے ہو کر نیشنل مال پر موجود عوام کو خوش آمدید نہیں کہہ سکیں گے جو روایتی طور پر نئے صدر کا خیرمقدم کرتے ہیں۔