کراچی کے علاقے ڈیفنس میں ڈرفٹنگ کرنے والی گاڑی بے قابو ہوکر سوزوکی سے ٹکرا گئی، جس کے نتیجے میں چھ بچوں سمیت اٹھارہ افراد زخمی ہوگئے، بعدازاں، ایک زخمی دم توڑ گیا۔
واقعہ ڈفینس گولڈ مارک کے قریب تیز رفتاری کے باعث پیش آیا، پولیس کےمطابق ڈرفٹنگ کرنے والی گاڑی نے سڑک سے گزرنے والی سوزوکی کو ٹکر ماری۔
ریسکیو ذرائع کے مطابق زخمی افراد کار اور سوزوکی میں سوار تھے، جنہیں طبی امداد کی فراہمی کیلئے جناح اسپتال منتقل کردیا گیا ہے۔
ریسکیو ذرائع کا کہنا ہے کہ حادثے کے نتیجے میں دونوں گاڑیوں نقصان پہنچا، جنہیں لفٹر کی مدد سے ہٹا دیا گیا ہے۔
