چارسدہ میں شدید دھند کے باعث شاہراہوں پرٹریفک کی روانی متاثر ہو گئی جبکہ دھند کے باعث پشاور سے اسلام آباد تک موٹروے کو بھی بند کر دیا گیا۔

چارسدہ میں حالیہ ہلکی بارش کے بعد شدید دھند کا راج ہے، شہر اور مضافات میں شدید دھند کے باعث عوام کو مشکلات کا سامنا ہے۔

ٹریفک پولیس کے مطابق شہر آنے جانے والی مین شاہراہوں پر ٹریفک کی روانی انتہائی متاثر ہو گئی ہے جبکہ موٹروے کنٹرول روم کے مطابق موٹروے پر حد نگاہ بلکل صفر رہ گئی ہے۔

پشاور سے اسلام آباد تک موٹروے شدید دھند کے باعث مکمل طور پر بند کر دی گئی، شدید دھند کی وجہ سے موٹروے پر چارسدہ انٹر چینج کے دونوں اطراف پر لاتعداد گاڑیاں پھنس گئی۔

چارسدہ ٹریفک پولیس نے عوام کو موٹروے کی بجائے جی ٹی روڈ پر سفر کرنے کی اپیل کی ہے۔