وزیراعلیٰ خیبرپختونخوا نے راولپنڈی اڈیالہ روڈ پر بانی پی ٹی آئی عمران خان سے ملاقات نہ کرانے خلاف جاری دھرنا ختم کر دیا۔ دھرنے کے خاتمے کے بعد سہیل آفریدی گورکھپور سے اسلام آباد روانہ ہو گئے ہیں۔

ذرائع کے مطابق کے مطابق وزیراعلیٰ اسلام آباد پہنچ کر پہلے خیبرپختونخوا ہاؤس جائیں گے، جبکہ اسلام آباد ہائی کورٹ میں بانی پی ٹی آئی سے ملاقات کے لیے پٹیشن دائر کی جائے گی۔

وزیراعلیٰ کے پی نے علامہ ناصر عباس اور محمود خان اچکزئی سے مشاورت کے بعد دھرنا ختم کرنے کا فیصلہ کیا۔

وزیر اعلیٰ کے پی سہیل آفریدی نے دھرنے کے دوران جیل انتظامیہ سے عمران خان کی ملاقات نہ کرانے پر سخت اعتراض کیا اور تحریری طور پر وجہ بتانے کا بھی مطالبہ کیا۔

منگل کو دوبارہ اڈیالہ آنے کی تجویز پر اتفاق کیا گیا ہے، فیملی ملاقات کے دن کارکنوں کو بھی آنے کی کال دی جائے گی۔