کیا آپ بھی ان لوگوں میں سے ہیں جو اپنی کافی میں صرف کیفین ہی نہیں، بلکہ صحت اور نیا پن بھی چاہتے ہیں؟ اگر ہاں، تو آپ اکیلے نہیں ہیں۔ آج کل، ایک ایسی ڈرنک نے کافی کلچر میں دھوم مچا رکھی ہے جو لاس اینجلس سے لے کر لندن تک ہر جگہ سرخیوں میں ہے۔ اس کا نام ہے’چاگاچینو’۔

کافی اب صرف کافی نہیں رہی۔ سالوں سے یہ ایک ایسا طرز زندگی بن چکی ہے جو لوگوں کے جینے کے انداز، کھانے کی پسند، اور سوشل میڈیا پر اپنی پسند اور موجودگی کو بھی ظاہر کرتا ہے۔ کیفے سے لے کر انسٹاگرام فِیڈز کے لیے اسٹائل کیے جانے والے ماچا کیپیچین تک، ہر سیزن میں کچھ نیا اور دلچسپ کافی کے مینو پر آتا رہتا ہے۔ لہٰذا آج کل کا نیا مشہور مشروب ’چاگاچینو‘ ہے۔

پہلی نظر میں یہ ایک عام لیٹے (Latte) کی طرح لگتا ہے جس پر کوکو کا پاؤڈر چھڑکا گیا ہو، لیکن اس کی اصلیت اس کے راز میں چھپی ہوئی ہے۔ اس میں چاگا مشروم کا استعمال کیا جاتا ہے جو ایک قدیم اور روایتی اجزاء ہے۔ صدیوں سے روسی اور سائبیرین روایت میں اس مشروم کا قہوہ بنایا جاتا رہا ہے، جو قوت اور مدافعتی نظام کو بہتر بنانے کے لئے جانا جاتا ہے۔

چاگاچینو کا آغاز امریکی بوتیک کیفوں میں ہوا، اور پھر یہ تیزی سے یورپ اور ایشیا تک پھیل گیا۔ اس کا اضافہ اس بات کو ظاہر کرتا ہے کہ لوگ اب صرف کیفین کے لیے کافی نہیں پیتے، بلکہ وہ اپنی کافی میں ایک مقصد، صحت یا نئی دریافت کی تلاش میں ہیں۔ چاگاکینو اسی کا عکاس ہے، ایک مشروب جو قدیم اور جدید کا حسین امتزاج ہے۔

چاگاچینوکافی کیسے بنائی جاتی ہے؟

چاگاچینو بنانا کافی کے روایتی طریقہ کار سے شروع ہوتا ہے۔ سب سے پہلے ایک شوٹ ایسپریسو یا کولڈ بریو کا استعمال کیا جاتا ہے، پھر اس میں چاگا پاؤڈر اور دودھ (دودھ یا پلانٹ بیسڈ) ڈال دیا جاتا ہے۔ بعض کیفے اس کی تلخی کو بیلنس کرنے کے لیے دار چینی یا کوکو پاؤڈر بھی شامل کرتے ہیں۔ نتیجہ ایک کریمی اور خوشبودار مشروب ہوتا ہے جس کا ذائقہ معمولی لٹے (Latte) سے زیادہ گہرا اور مختلف ہوتا ہے۔

چاگاچینو کا ذائقہ بھی منفرد ہے۔ چاگا کی قدرتی تلخی، جو کہ کسی حد تک بہت سیاہ چاکلیٹ جیسی ہوتی ہے، ایسپریسو کے ساتھ مل کر مزید گہرا اور بھرپور ذائقہ فراہم کرتی ہے۔ دودھ شامل کرنے سے یہ مزید ملائم اور نرم ہو جاتا ہے۔ اس کا ذائقہ نیا اور دلچسپ ہے، جو چائے یا کافی کے شوقین افراد کو ایک نئی تجربہ فراہم کرتا ہے۔

کیا آپ کو چاگاچینو آزمانا چاہیے؟

اگر آپ کافی کے شوقین ہیں اور کچھ نیا آزمانا چاہتے ہیں تو چاگاچینو ضرور ٹرائی کریں۔ یہ آپ کی روزانہ کی روٹین کا حصہ نہ بن پائے، لیکن یہ آپ کو ایک مختلف تجربہ فراہم کرے گا جس میں قدیم روایات اور موجودہ ویلننس ٹرینڈز کا حسین امتزاج ہے۔

یہ کافی نہ صرف ذائقے میں نئی ہے بلکہ اس میں صحت کے فوائد کی بھی جھلک ہے، کیونکہ چاگا مشروم کو ایڈاپٹوجن کے طور پر جانا جاتا ہے، جو جسم کو تناؤ سے نمٹنے میں مدد فراہم کرتا ہے۔

چاگاچینو 2025 میں کافی کا مقصد صرف جاگنا نہیں رہا، بلکہ یہ ہماری زندگی، ہمارے انتخاب، اور ہمارے سوشل میڈیا پر شیئر کیے جانے والے تجربات کا عکاس بن چکا ہے۔