پاکستان اور بھارت کے درمیان کھیلا گیا ایشیا کپ کا فائنل بھارت کی جانب سے سیاست اور نفرت کی بھینٹ چڑھا دیا گیا۔ جہاں بھارتی کرکٹ ٹیم نے کئی متنازع حرکات کیں، وہیں بھارتی فاسٹ بولر جسپریت بمراہ نے پاکستانی کھلاڑی حارث رؤف کی نقالی کرتے ہوئے ان کا ”پلین ڈاؤن“ ایکشن چوری کرلیا اور وکٹ حاصل کرنے کے بعد وہی حرکت دہرائی جس پر بھارتی بورڈ نے ایشین کرکٹ کونسل (اے سی سی) کو خود شکایت کی تھی۔

یاد رہے کہ سپر فور مرحلے کے دوران حارث رؤف نے بھارتی تماشائیوں کی جانب رخ کرکے ”پلین ڈاؤن“ اور0-6 کا اشارہ کیا تھا، جو دراصل پاکستان کی اس کامیابی کی یاد دہانی تھی جب پاک فضائیہ نے بھارتی طیارے مار گرائے تھے۔

’مودی نے سیاست کے لیے کرکٹ اسپرٹ تباہ کردی‘؛ سلمان علی آغا، محسن نقوی اور خواجہ آصف کے بھارت پر طنزیہ وار

بھارت کی جانب سے ان اشاروں پر اے سی سی کو شکایت درج کرائی گئی تھی، جس پر حارث رؤف پر جرمانہ عائد کیا گیا تھا۔

سوشل میڈیا صارفین کی جانب سے بمراہ کے ایکشن پر دلچسپ ردعمل سامنے آیا۔ ایک صارف نے لکھا کہ ’بھارتی بورڈ کو اب بمراہ کے خلاف اپنے رافیل گرانے پر شکایت کرنی چاہیے‘۔

ایک صارف نے پاک فضائیہ کے ترجمان کا طنزیہ حوالہ دیتے ہوئے لکھا، ’بمراہ بھی جانتا ہے کہ رافیل ایک خطرناک طیارہ ہے اگر اسے صحیح طریقے سے استعمال کیا جائے۔‘

بھارت کی یہ حرکتیں یہ بھی ظاہر کرتی ہیں کہ وہ کھیل میں اسپورٹس مین اسپرٹ کے بجائے اپنی خفت مٹانے کے لیے ہر سطح پر منفی رویہ اپنائے ہوئے ہے۔

بھارتی کھلاڑیوں کی تصوراتی ٹرافی اُٹھا کر دل کو تسلی، تصاویر وائرل

اسی ذہنیت کا مظاہرہ بھارت نے فائنل میچ کے بعد بھی کیا، جب ایشین کرکٹ کونسل کے سربراہ اور پاکستانی وزیر محسن نقوی سے ٹرافی لینے سے انکار کردیا۔ تقریب کا انعقاد پینتالیس منٹ تک لٹکا رہا اور آخر کار بھارتی ٹیم ٹرافی لیے بغیر ہی جشن مناتی رہی، جبکہ اے سی سی نے ٹرافی اپنے پاس محفوظ کرلی۔