کراچی میں فلاحی سرگرمیوں کی آڑ میں انسانی اسمگلنگ میں ملوث ایک نجی این جی او کی چیئرپرسن مبینہ آگبٹ والا کو ایف آئی اے نے گرفتار کر لیا۔ ذرائع کے مطابق، ملزمہ لاوارث بچوں کو گود لیتی تھی اور بعد ازاں انہیں غیر قانونی طور پر امریکا اسمگل کیا جاتا تھا۔

فلاحی تنظیم کی آڑ میں بچوں کی غیر قانونی اسمگلنگ میں ملوث ایک نجی این جی او کی چیئرپرسن قاسم آگبٹوالا کو ایف آئی اے نے گرفتار کر لیا ہے۔ کارروائی امریکی قونصل خانے کی شکایت پر عمل میں لائی گئی۔

ذرائع کے مطابق، ملزمہ جعلسازی سے بچوں کو گود لیتی تھی اور بعد ازاں انہیں امریکا اسمگل کیا جاتا تھا۔ ایف آئی اے اینٹی ہیومن ٹریفکنگ سرکل نے ملزمہ کو اُس وقت گرفتار کیا جب اسپیشل جج سنٹرل کراچی نے اس کی قبل از گرفتاری ضمانت کی درخواست مسترد کر دی۔

ایف آئی اے حکام کا کہنا ہے کہ ملزمہ سے مزید تفتیش جاری ہے، اور اس مکروہ نیٹ ورک سے جڑے دیگر افراد کے بارے میں بھی معلومات اکٹھی کی جا رہی ہیں۔