سندھ حکومت نے گاڑیوں کے لیے سیکیورٹی فیچر سے مزین نمبر پلیٹس کی تنصیب کی آخری تاریخ میں توسیع کا اعلان کردی ہے۔ نئی ڈیڈ لائن اب 31 اکتوبر 2025 مقرر کی گئی ہے، جو اس سے قبل 14 اگست تھی۔

پاکستان پیپلزپارٹی کے چیئرمین بلاول بھٹو زرداری سے سندھ اسمبلی میں پی پی پی کے چیف وہپ اور صوبائی وزیر برائے ایکسائز، ٹیکسیشن و نارکوٹکس مکیش کمار چاولہ نے ملاقات کی، جس میں پارٹی کے اراکین سندھ اسمبلی کی حاضری اور کارکردگی سے متعلق تفصیلی آگاہی فراہم کی گئی ہے۔

سندھ میں اجرک والی نمبر پلیٹ کیلئے 14 اگست تک توسیع، پولیس کو چالان سے روک دیا

ملاقات کے دوران صوبے کی مجموعی سیکیورٹی صورتحال اور نمبر پلیٹس کی تنصیب سے متعلق پیش رفت پر بھی تفصیلی بات چیت ہوئی۔

چیئرمین بلاول بھٹو زرداری نے عوامی آسانی کو مدنظر رکھتے ہوئے نمبر پلیٹس کی ڈیڈ لائن میں توسیع کی ہدایت کی، جس پر عمل کرتے ہوئے وزیر مکیش چاولہ نے فوری طور پر نئی تاریخ کا اعلان کیا۔

اجرک والی نمبر پلیٹ کیلئے گھر بیٹھے اپلائی کرنے کا آسان طریقہ

محکمہ ایکسائز کا کہنا ہے کہ نئی نمبر پلیٹس میں جدید سیکیورٹی فیچرز شامل ہیں، جو گاڑیوں کی شناخت اور جرائم کی روک تھام میں اہم کردار ادا کریں گے۔

شہریوں سے اپیل کی گئی ہے کہ وہ مقررہ وقت کے اندر اپنی گاڑیوں پر نئی نمبر پلیٹس لگوا لیں تاکہ کسی قسم کی قانونی کارروائی سے بچا جا سکے۔