اتر پردیش کے ضلع میرٹھ میں شوہر نے سسرال جا کر 5 ماہ کی حاملہ ناراض بیوی کو کمرے میں بند کرکے چاقو سے پے درپے وار کرکے اس کا گلا کاٹ کر قتل کردیا۔

پولیس کے مطابق گنگا نگر لسادی گیٹ علاقہ کی رہنے والی سپنا کی شادی روی شنکر سے 23 جنوری 2025 کو ہوئی تھی۔ شادی کے بعد دونوں میں اکثر لڑائی جھگڑا معمول بن گیا تھا۔ جس کی وجہ سے 5 ماہ قبل وہ اپنی بہن اور بہنوئی کے گھر آئی اور وہاں رہنے لگی۔

ملزم اپنی بیوی کو مکان کی پہلی منزل پر ایک کمرے میں لے جاکر دروازہ بند کردیا، چند لمحوں بعد وہاں سے چیخ و پکار کی آوازیں سنائی دینے لگیں۔

مقتولہ کے اہلخانہ کا کہنا ہے کہ سپنا اپنے شوہر کے سامنے رحم کی اپیلیں کرتی رہی مگر اس نے بے رحمی سے اس پر چاقو سے حملہ کیا، پولیس کے مطابق ملزم نے پہلے اس کا گلا کاٹا اور پھر متعدد چاقو کے وار کرکے اسے موت کے گھاٹ اتار دیا۔

تاہم سپنا کی بہن اور دیگر رشتہ داروں نے دروازہ کھولنے کی کوشش کی تو وہ اندر سے بند تھا، جس کے بعد پولیس کو اطلاع دی گئی، جو موقع پر پہنچی اور دروازہ توڑ کر اندر داخل ہوئی تو کمرے میں سپنا کی خون میں لت پت لاش پڑی تھی، جبکہ روی شنکر بھی وہیں موجود تھا جس کو پولیس نے موقع سے گرفتار کرکے پولیس اسٹیشن لے گئی۔

مقتولہ سپنا کی لاش کو پوسٹ مارٹم کے لیے بھیج دیا اور ملزم کے خلاف ایف آئی آر درج کر لی ہے۔