امریک شہر ڈینور میں طیارے میں اچانک دھواں نکلنے کے بعد جہاز میں سوار مسافروں کو ہنگامی طور پر باہر نکالا گیا۔

ایوی ایشن حکام کے مطابق بوئنگ 737 کے لینڈنگ گیئر میں ممکنہ خرابی اور دھواں اٹھنے پر مسافروں اور عملے کو سلائیڈ کے ذریعے طیارے سے باہر نکالا گیا۔

غیر ملکی خبر رساں ادارے کے مطابق فائر بریگیڈ ڈیپارٹمنٹ نے موقع پر پہنچ کر آگ بجھائی، حادثہ طیارے کے پرواز کرنے سے قبل پیش آیا۔

طیارے میں 173 مسافر اور عملے کے ارکان سوار تھے، واقعے میں کوئی جانی نقصان نہیں ہوا۔