مستونگ میں قومی شاہراہ پردہشت گردوں نے بلوچستان کانسٹیبلری کی گاڑی پرحملہ کیا، فائرنگ سے ایک اہلکار شہید، اور تین افراد زخمی ہوگئے۔ ترجمان بلوچستان حکومت کا کہنا ہے کہ حملے میں ڈی ایس پی کی گاڑی کو نشانہ بنایا گیا۔

بلوچستان کے علاقے مستونگ میں قومی شاہراہ پر دہشتگردوں نے بلوچستان کانسٹیبلری کی گاڑی کو فائرنگ کا نشانہ بنایا۔ حملے میں اہلکار شہید ہوگیا۔

دہشتگردوں کی فائرنگ سے تین افراد بھی زخمی ہیں جنھیں فوری طور پر قریبی اسپتال منتقل کر دیا گیا ہے۔

ترجمان بلوچستان حکومت کے مطابق حملہ ڈی ایس پی کی گاڑی پر کیا گیا، جس کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔

شاہد رند نے واقعے کی شدید مذمت کرتے ہوئے کہا کہ ملزمان کی گرفتاری تک کارروائی جاری رہے گی۔