ایک طیارے کی پرواز میں تاخیر کی وجہ کبھی اتنی غیر متوقع بھی ہوسکتی ہے حیران کن ہے، کیونکہ وجہ ہے شہد کی مکھیاں۔ جی ہاں شہد کی مکھیاں کبھی کبھار اپنی موجودگی سے ایسی صورتحال بھی پیدا کر سکتی ہیں، جب شہد کی مکھیوں کے جھنڈ نے جہاز کے سامان کے دروازے پر اپنا راج جما لیا۔ یہ غیر معمولی صورتحال طیارے کی روانگی میں ایک گھنٹے کی تاخیر کا باعث بن گئی۔

انڈیگو کی پرواز جو بھارت کے شہر سورت سے جے پور جا رہی تھی، ایک گھنٹے سے زائد کی تاخیر کا شکار ہو گئی، تاخیر کی وجہ طیارے کے کھلے ہوئے سامان کے دروازے پر شہد کی مکھیوں کا جھنڈ تھا۔ ایئر بس اے 320 طیارہ جو سورت سے 4:20 بجے روانہ ہونے والا تھا، آخرکار 5:26 پر روانہ ہو سکا، یعنی ایک گھنٹے کی تاخیر ہوئی۔

کیا ہوائی جہاز میں سیٹ کو پیچھے جھکانا درست ہے؟

موصول ہونے والی معلومات کے مطابق، تمام مسافر طیارے میں سوار ہو چکے تھے اور ان کا سامان جہاز میں لادنے کا عمل جاری تھا جب اچانک مکھیوں کا جھنڈ سامان کے دروازے پر آ بیٹھا۔ اس صورتحال کی وجہ سے ایئرپورٹ اسٹاف میں بے چینی پھیل گئی کیونکہ انہیں سمجھ نہیں آ رہا تھا کہ ان مکھیوں کو کس طرح وہاں سے ہٹایا جائے۔

دھماکہ خیز اور زہریلے مواد سے بھرا بحری جہاز بھارتی بندرگاہ پر الٹ گیا، شہر میں الرٹ جاری

مکھیاں بھگانے کے لیے دھواں استعمال کیا گیا، لیکن جب وہ ناکام ہو گیا، تو فائر ڈیپارٹمنٹ کو اطلاع دی گئی۔ فائر انجن فوراً رن وے پر پہنچا اور سامان کے دروازے پر پانی کی دھار چھڑکنے کا عمل شروع کر دیا۔ بالاخر، مکھیاں اپنا مقام چھوڑ کر چلی گئیں اور طیارہ ایک گھنٹے کی تاخیر کے بعد اپنی منزل کی جانب روانہ ہو گیا۔