پنجاب کے شہر فیصل آباد میں تیز رفتار ٹرک نے موٹر سائیکل سوار خاندان کو کچل دیا، حادثے میں میاں بیوی اور 6 سالہ بچے سمیت 3 افراد جاں بحق ہوگئے۔

تفصیلات کے مطابق افسوسناک ٹریک حادثہ فیصل آباد کی تحصیل تاندلیانوالہ کے نواحی گاؤں میں پیش آیا، جہاں موٹرسائیکل سوار 3 افراد کو سامنے سے آتے ہوئے تیز رفتار ٹرک نے کچل دیا، حادثے میں بچے سمیت 3 افراد جان کی بازی گئے۔

ریسکیو ذرائع کے مطابق مرنے والوں میں میاں بیوی اور 6 سالہ بچہ شامل ہیں، جن کی لاشیں اسپتال منتقل کردی گئیں۔

ذرائع کے مطابق حادثہ ٹرک کا ٹائر برسٹ ہونے کے نتیجے میں پیش آیا۔