فیصل آباد کے علاقے فیکٹری ایریا میں افسوسناک واقعہ پیش آیا ہے جہاں نعمان نامی نوجوان نے شادی سے انکار پر فائرنگ کر کے لڑکی کو قتل کر دیا۔

تفصیلات کے مطابق فیصل آباد کے علاقے محلہ پرتاب نگر میں لڑکے نے شادی سے انکار پر گلی میں گزرتی ہوئی لڑکی کو فائرنگ کرکے قتل کر دیا، پولیس نے ملزم نعمان کو گرفتار کرکے تفتیش شروع کردی۔

پولیس ذرائع کے مطابق 21 سالہ فاطمہ گلی میں جارہی تھی کہ راستے میں ملزم نعمان نے شادی کے معاملے پر لڑکی سے تکرار کی اور طیش میں آکر فائرنگ کردی جس کے نتیجے گولی گردن پر لگنے سے لڑکی موقع پر جان بحق ہوگئی۔

پولیس نے لڑکی کی لاش کو قبضہ میں لیکر پوسٹمارٹم کیلئے اسپتال منتقل کردیا۔