مینگورہ اور گردونواح میں آج صبح زلزلے کے جھٹکوں سے زمین لرز اٹھی، جس کے باعث عوام میں خوف و ہراس پھیل گیا اور لوگ کلمہ طیبہ کا ورد کرتے گھروں سے باہر نکل آئے۔

زلزلہ پیما مرکز کے مطابق ریکٹر اسکیل پر زلزلے کی شدت 4.6 ریکارڈ کی گئی، جب کہ زیر زمین گہرائی 51 کلومیٹر تھی۔ زلزلے کا مرکز کوہ ہندوکش ریجن افغانستان بتایا گیا ہے۔

تاحال کسی جانی یا مالی نقصان کی اطلاع موصول نہیں ہوئی، تاہم متعلقہ ادارے صورت حال کا جائزہ لے رہے ہیں۔ زلزلے کے جھٹکے چند سیکنڈز پر محیط تھے لیکن شدت کے باعث کئی علاقوں میں خوف کی فضا پیدا ہو گئی۔