اسرائیل کی دہشتگرد تنظیم موساد اب بھی ایران میں کارروائیوں میں مصروف ہے، ایرانی سیکیورٹی اداروں نے تہران سے موساد کا دہشت گردی سیل پکڑ لیا، ذرائع کا کہنا ہے کہ دہشت گردوں کی تعداد چار سے زیادہ ہے۔

ایران کی سیکیورٹی ایجنسیوں نے دارالحکومت تہران میں اسرائیلی خفیہ ایجنسی موساد کے ایک دہشت گرد سیل پکڑ لیا ہے۔

ایرانی ذرائع کے مطابق اس سیل میں شامل دہشت گردوں کی تعداد چار سے زائد ہے، جنہیں ایران میں افراتفری اور بدامنی پھیلانے کا ٹاسک دیا گیا تھا۔

ایرانی حکام کے مطابق کارروائی کے دوران دہشت گردوں کے قبضے سے مسلح ڈرونز، ٹائم بم، دستی بم، رائفلیں اور بارودی مواد برآمد کر لیا گیا ہے۔ سیکیورٹی ادارے مزید تفتیش کر رہے ہیں تاکہ نیٹ ورک کے دیگر ممکنہ روابط اور عزائم کو بے نقاب کیا جا سکے۔

ایرانی حکام کا کہنا ہے کہ اسرائیل موساد کے ذریعے ملک کے اندر عدم استحکام پیدا کرنے کی سازشوں میں ملوث ہے۔