لاہور کے علاقے کاہنہ میں موٹرسائیکل سوار ڈاکوؤں نے شہریوں لوٹ مار کی، خواتین سے پرس، نقدی اور موبائل فونز چھین کر فرار ہوگئے جبکہ سی سی ٹی وی فوٹیج کی مدد سے 3 ملزمان کو گرفتار کرلیا گیا۔

لاہور میں اسٹریٹ کرائم کی وارداتیں نہ رک سکیں، کاہنہ کے علاقے میں موٹر سائیکل سوار ڈاکو خواتین سے پرس، ہزاروں روپے کی نقدی اور موبائل فونز چھین کر فرار ہوگئے۔

واردات کی سی سی ٹی وی فوٹیج منظر عام پر آگئی، فوٹیج میں دیکھا جاسکتا ہے کہ ڈاکو شہری کی موٹر سائیکل اپنی موٹر سائیکل ٹکراتے ہیں، پھر گن پوائنٹ پر لوٹتے ہیں۔

پولیس نے ملزمان کو گرفتار کرنے کا دعویٰ کیا ہے، سی سی ٹی وی فوٹیج کی مدد سے ڈکیت گروپ کے 3 ارکان گرفتار کرلیے گئے۔

پولیس کا کہنا ہے کہ ملزمان نے اب تک 50 کے قریب وارداتوں کا انکشاف کیا ہے، ملزمان علی فریاد، آصف، منظور کے خلاف مقدمہ درج کرلیا، تفتیش جاری ہے۔