محکمہ موسمیات نے ملک کے بیشتر علاقوں میں آئندہ 24 گھنٹوں کے دوران موسم خشک اور شدید گرم رہنے کی پیشگوئی کی ہے۔

محکمہ موسمیات کے مطابق اسلام آباد اور خیبرپختونخوا کے مختلف علاقوں میں موسم شدید گرم رہے گا، جبکہ پنجاب، سندھ اور بلوچستان میں بھی گرمی اور خشکی کی شدت برقرار رہنے کا امکان ہے۔

دوسری جانب گلگت بلتستان اور کشمیر کے بعض علاقوں میں گرج چمک کے ساتھ بارش کی توقع ظاہر کی گئی ہے جو موسم کو خوشگوار بنا سکتی ہے۔

کراچی میں گرمی کی شدت میں کمی، سمندری ہوائیں بحال

محکمہ موسمیات نے شہریوں کو شدید گرمی کے دوران احتیاطی تدابیر اختیار کرنے کی ہدایت کی ہے، خاص طور پر دوپہر کے اوقات میں دھوپ سے بچنے اور پانی کا زیادہ استعمال کرنے کی تاکید کی گئی ہے۔