پنجاب کے شہر پاکپتن میں مُسلح ڈاکوؤں نے گھر میں گُھس کر لوٹ مار کے بعد خاتون کو مبینہ اجتماعی زیادتی کا نِشانہ بنا ڈالا جبکہ پولیس نے متاثرہ خاتون کے شوہر کی مدعیت میں مقدمہ درج کرکے ایک ملزم کو گرفتارکرلیا۔

تفصیلات کے مطابق پنجاب میں ڈکیتی کے دوران اجتماعی زیادتی کا ایک اور واقعہ پیش آیا ہے، پاکپتن میں ڈاکوؤں نے گھر میں لوٹ مار کے دوران خاتون کو مبینہ اجتماعی زیادتی کا نشانہ بنایا۔

پولیس کی بھاری نفری و افسران موقع پر پہنچ گئی، پولیس نے متاثرہ خاتون کے شوہر کی مدعیت میں مقدمہ درج کرلیا جبکہ پولیس نے کارروائی کرکے ایک ملزم کو گرفتار کرلیا۔

پولیس کے مطابق ملزمان نے دوران ڈکیتی باپ اور بیٹے کو کمرے میں بند کیا اور خاتون سے زیادتی کی جبکہ ڈاکو گھر سے انورٹر، موبائل فونز اور نقدی بھی لوٹ کر فرار ہوگئے۔