لاہور میں پسند کی شادی کرنے والے میاں بیوی کو گھر میں گھس کر قتل کردیا گیا۔ دونوں نے چند روز پہلے کرائے کے مکان میں رہائش اختیار کی تھی

پسند کی شادی جرم بن گئی۔

لاہور میں کاہنہ کے علاقے نور پارک میں نامعلوم افراد نے گھر میں گھس کر میاں بیوی پر فائرنگ کردی۔ جس کے نتیجے نے دونوں نے موقع پر دم توڑدیا۔

پولیس نے لاشیں تحویل میں لیکر تحقیقات شروع کردی ہے۔ ڈی آئی جی آپریشنز لاہور فیصل کامران کے مطابق مقتولین چند روز قبل کرائے کے مکان میں رہائش پذیر ہوئے تھے۔

فیصل کامران کا کہنا تھا لڑکی کے نامعلوم رشتہ داروں نے غیرت کے نام پر جوڑے کو قتل کیا۔۔

قاتلوں کی گرفتاری کیلئے ایس پی ماڈل ٹاؤن کی سربراہی میں اسپیشل ٹیم تشکیل دیدی گئی ہے۔