سندھ کے ضلع شکارپور میں ڈاکوؤں کی دیدہ دلیری بڑھتی جارہی ہے۔ گڑھی یاسین سے دن دہاڑے بلوچستان سے تعلق رکھنے والے 2 افراد کو اغوا کرلیا گیا۔

شکارپور مزید دو افراد ڈاکوؤں کے ہتھے چڑھ گئے۔ گڑھی یاسین کے علاقے سے دن دہاڑے دو افراد کو اغوا کر لیا گیا۔ مغویوں کی شناخت ظہیر اور عرفان کے نام سے ہوئی ہے، جن کا تعلق بلوچستان سے بتایا جا رہا ہے۔

تازہ واقعے کے بعد علاقے میں اغوا ہونے والے افراد کی مجموعی تعداد پانچ ہو گئی ہے۔ مقامی افراد میں خوف و ہراس پھیل گیا ہے جبکہ شہریوں نے امن و امان کی بگڑتی صورتحال پر شدید تشویش کا اظہار کیا ہے۔