اسلام آباد کی ڈسٹرکٹ اینڈ سیشن کورٹس نے سینیٹر علامہ راجہ ناصر عباس کو 2014 کے دھرنا کیس سے بری کردیا۔

جوڈیشل مجسٹریٹ مرید عباس نے مقدمے کا فیصلہ سنایا، عدالت نے بریت کی درخواست پر دلائل مکمل ہونے پر فیصلہ سنادیا۔

انتظامیہ نے علامہ راجہ ناصر عباس اور دیگر کے خلاف دفعہ 144 کی خلاف ورزی پر مقدمہ درج کیا تھا، علامہ راجہ ناصر عباس نے طاہر القادری کے ہمراہ پاکستان عوامی تحریک کے دھرنے میں شرکت کی تھی۔

مقدمے میں پاکستان عوامی تحریک کے رہنما طاہر القادری تاحال اشتہاری ہیں۔