آئینی بینچز کی مدت میں توسیع کے لیے جوڈیشل کمیشن کا اہم اجلاس 19 جون کو طلب کرلیا گیا۔

سپریم کورٹ کے رجسٹرار کی جانب سے جاری شیڈول کے مطابق جوڈیشل کمیشن کا اجلاس چیف جسٹس یحییٰ آفریدی کی سربراہی میں 19 جون کو طلب کیا گیا ہے۔

اعلامیے کے مطابق اجلاس دوپہر 2 بجے سپریم کورٹ بلڈنگ میں ہوگا، جس میں آئینی بینچز کی مدت میں توسیع کے معاملے پر غور کیا جائے گا۔

واضح رہے کہ جسٹس امین الدین خان کو بطور سربراہ آئینی بینچ مزید 6 ماہ کے لیے مقرر کیا گیا تھا۔

اعلامیے کے مطابق ہائیکورٹ ججز کی سالانہ کارکردگی کے قواعد بنانے کا فیصلہ زیرغور آئے گا، اجلاس میں آرٹیکل 175A(20) کے تحت اہم فیصلے متوقع ہیں۔