راولپنڈی میں بانی پاکستان تحریک انصاف سے ملاقات کے بعد میڈیا سے گفتگو کرتے ہوئے سینیٹر علی ظفر نے کہا ہے کہ بانی پی ٹی آئی نے اسٹیبلشمنٹ سے بات چیت کے لیے دروازے کھلے رکھنے کا عندیہ دیا ہے۔

سینیٹر علی ظفر نے بتایا کہ بانی نے کہا ہے کہ پاکستان کے لیے بات چیت کرنے کو تیار ہوں اور پاکستان میں اتحاد کی خاطر مذاکرات کے لیے بھی تیار ہوں۔ ان کا کہنا تھا کہ بانی نے واضح کیا ہے کہ میں صرف انصاف چاہتا ہوں، میرے کیسز جلد سے جلد سنے جائیں۔

’بریت کا مقدمہ سنا جائے گا تو بانی پی ٹی آئی کی رہائی ہوجائے گی‘، بیرسٹر گوہر کو امید

سینیٹر علی ظفر کے مطابق بانی پی ٹی آئی نے کہا ہے کہ احتجاجی تحریک کا اعلان ہوچکا ہے، پارٹی لیڈرشپ موونٹ کے لیے تیار ہو جائے۔

پشاور: پیپلز پارٹی کی وزیراعلیٰ علی امین گنڈاپور کے خلاف مقدمے کے لیے درخواست

انہوں نے مزید کہا کہ بانی کا دو ٹوک موقف ہے کہ اب میں برداشت نہیں کروں گا اگر کوئی سامنے نہ آیا اور وکٹ کے دونوں جانب کھیلنے کی کسی کو اجازت نہیں دوں گا۔