پاکستانی اداکارہ مشی خان نے بالی وڈ اداکارہ اور سیاست دان کنگنا رناوت کو پاکستان اور عوام کے خلاف نفرت انگیز بیانات دینے پر خوب آڑے ہاتھوں لے لیا۔

پاک بھارت کشیدگی کے تناظر میں کنگنا رناوت کی جانب سے پاکستان اور پاکستانی عوام پر تنقید پر مشی خان خاموش نہ رہ سکیں، انہوں نے انسٹاگرام پر ایک ویڈیو پیغام جاری کرتے ہوئے کنگنا کو دو ٹوک اور کرارا جواب دیا۔

مشی خان نے کہا، ’کنگنا رناوت، تمہیں پاکستان کا ’جواب‘ (آپریشن بنیان المرصوص) کیسا لگا؟ مزہ آیا؟ پاکستان اور اس کی عوام کے خلاف بولنا اب تمہیں مہنگا پڑ گیا ہے۔‘

ہمارے شہریوں اور فوجیوں کی بہادری اور قربانی پاکستان کی سلامتی کی بنیاد ہے، آرمی چیف

انہوں نے مزید کہا کہ،’آئندہ کچھ بولنے سے پہلے سوچ سمجھ کر زبان کھولنا۔ اپنے ملک اور عوام کے دفاع کے لیے ہم ہر وقت تیار ہیں۔ تم خود کیا ہو۔‘

مشی خان نے کنگنا کو چیلنج دیتے ہوئے کہا، ’چلو میچز کی طرح ایک مڈل گراؤنڈ چیلنج ہو جائے۔ میرا دعویٰ ہے، تمہارے لیے تو میرا ایک مکا ہی کافی ہوگا‘۔

آپریشن بنیان مرصوص: بھارتی فضائیہ کے طیارے کہاں کہاں گرے؟ تفصیلات سامنے آگئیں

اداکارہ کے اس دوٹوک اور بے باک انداز کو سوشل میڈیا صارفین کی جانب سے خوب سراہا جا رہا ہے۔