شہر قائد کے باسیوں کے لیے اچھی خبر آ گئی، محکمہ موسمیات نے کراچی میں بارش کی پیش گوئی کر دی ہے۔ محکمہ موسمیات کے مطابق پیر سے کراچی میں گرج چمک کے ساتھ بارش کا امکان ہے۔

محکمہ موسمیات کا کہنا ہے کہ 5 مئی کی شام سے بارش کا آغاز متوقع ہے، جو ایک سے دو روز تک وقفے وقفے سے جاری رہ سکتا ہے۔

محکمہ موسمیات کے مطابق موسمی سسٹم کو بحیرہ عرب سے نمی حاصل ہونے کی وجہ سے تقویت مل رہی ہے، جس کے تحت سندھ کے دیگر علاقوں کے ساتھ کراچی میں بھی بادل برسنے کا قوی امکان ہے۔

ماہرین کے مطابق یہ سسٹم سندھ کے بیشتر علاقوں کو متاثر کرے گا، اور کراچی میں بھی موسم خوشگوار ہونے کی توقع ہے۔

شہریوں کو مشورہ دیا گیا ہے کہ وہ بارش کے دوران احتیاطی تدابیر اختیار کریں۔