بھارتی ریاست گووا کے علاقے شیرگاؤں میں ہفتے کی صبح ایک مذہبی اجتماع کے دوران بھگدڑ مچنے سے کم از کم 6 افراد ہلاک اور 50 سے زائد زخمی ہو گئے۔ یہ واقعہ سری دیوی لائی رائی مندر میں سالانہ جاترا کے دوران پیش آیا جب ہزاروں عقیدت مندوں کے ہجوم میں اچانک خوف و ہراس پھیل گیا۔

زخمیوں کو نزدیکی اسپتالوں میں منتقل کر دیا گیا ہے۔ بھارتی وزیر اعظم اور وزیر اعلیٰ گووا پرمود ساونت نے واقعے پر افسوس کا اظہار کیا ہے۔ وزیر صحت کے مطابق 30 افراد کو طبی امداد دی جا رہی ہے جن میں 8 کی حالت نازک ہے۔

ابتدائی اطلاعات کے مطابق بھگدڑ کی وجہ ہجوم کا زیادہ ہونا اور ناکافی انتظامات تھے۔ حکام نے واقعے کی تحقیقات شروع کر دی ہیں۔