مقبوضہ کشمیر میں بھارتی حکومت کے ظالمانہ اقدامات کے خلاف آج مکمل ہڑتال کی جا رہی ہے۔ کل جماعتی حریت کانفرنس کی جانب سے دی گئی ہڑتال کی کال پر وادی کے مختلف علاقوں میں کاروباری مراکز بند ہیں اور ٹرانسپورٹ معطل ہے۔

کشمیر میڈیا سروس کے مطابق ہڑتال بھارت کے متنازع وقف ترمیمی قانون اور مقبوضہ علاقے میں غیرمقامی افراد کو ڈومیسائل جاری کرنے کے خلاف بطور احتجاج کی جا رہی ہے۔ حریت کانفرنس نے جامع مسجد سرینگر اور درگاہ حضرت بل کی طرف احتجاجی مارچ کا بھی اعلان کیا ہے۔

پہلگام حملے کی آڑ میں بھارت کا مقبوضہ کشمیر میں کریک ڈاؤن، 1500 سے زائد کشمیری گرفتار

ترجمان حریت کانفرنس نے الزام عائد کیا ہے کہ بھارت فالس فلیگ آپریشن کے ذریعے کشمیریوں کی تحریک آزادی کو بدنام کرنے کی سازش کر رہا ہے۔ انہوں نے عالمی برادری سے مطالبہ کیا کہ وہ بھارت کی اقوام متحدہ کی قراردادوں اور سندھ طاس معاہدے کی خلاف ورزیوں کا سختی سے نوٹس لے اور اس کا محاسبہ کرے۔

آرٹیکل 370 کی منسوخی کے بعد کشمیر مسلسل غیر مستحکم ہے

واضح رہے کہ مقبوضہ وادی میں پہلے ہی سیکیورٹی سخت کر دی گئی ہے اور بھارتی فورسز کی بھاری نفری تعینات ہے، تاہم کشمیری عوام کی جانب سے پُرامن احتجاج کا سلسلہ جاری ہے۔