بالی ووڈ انڈسٹری کے سپراسٹار سلمان خان نے اپنی سے 30 سالہ کم عمر ہیروئن راشمیکا مندانا کے ساتھ فلم کرنے کے سوال پر رپورٹر کو دلچسپ جواب دے ڈالا۔

سکندر فلم میں سلمان خان کی ہیروئن اداکارہ راشمیکا کی عمر 31 سال ہے جبکہ سلمان اور ان کی عمر میں بھی 30 سال سے زیادہ کا فرق ہے۔

سلمان خان کی نئی فلم سکندر اس عید پر ریلیز ہونے جا رہی ہے جس کی پروموشن میں اداکار مصروف ہیں۔ حال ہی میں فلم کی ٹریلر لانچنگ کی تقریب رونمائی ہوئی جس میں فلم کی پوری کاسٹ نے شرکت کی۔

تقریب میں سلمان خان سے گزشتہ دنوں ان کی سوشل میڈیا پر وائرل ہونے والی ویڈیوز سے متعلق پوچھا گیا جس پر سلمان نے کہا کہ ’کبھی ایسی گڑ بڑ ہوجاتی ہے کہ 6 سات رات سوئے نہیں پھر سوشل میڈیا والے پیچھے پڑ جاتے ہیں تو پھر ان کو دکھانا پڑتا ہے ابھی تک ہے‘۔

سلمان خان کی فلم ”سکندر“ کا عید پر ریلیز کا اعلان کردیا گیا

ہیروئن کی کم عمری سے متعلق رپورٹر کے سوال پر سلمان خان نے کہا کہ ’ہیروئن اور مجھ میں 31 سال کا فرق ہے جب ہیروئن کو اور اس کے والد کو مسئلہ نہیں ہے تو تم کو کیوں مسئلہ ہے بھائی؟

سلمان نے راشمیکا کی طرف دیکھ کر کہا کہ اب جب ان کی شادی ہوجائے گی اور ان کی بچی ہوجائے گی، بڑی اسٹار ہوجائے گی تو اس وقت وہ بھی میرے ساتھ کام کرے گی نا، ممی کی اجازت تو مل ہی جائے گی نا؟ اس پر اداکارہ نے بھی ہاں میں سر ہلایا۔

والد سلیم خان کا سلمان خان کے ساتھ بدترین رویے کا انکشاف

خیال رہے کہ فلم ’سکندر‘ 30 مارچ کو ریلیز کی جائے گی جس میں سلمان خان، ستھیاراج، راشمیکا، کاجول اگروال اور دیگر شامل ہیں۔