سانحہ جعفرایکسپریس پردہشت گردوں کے حملے پراسلامی تعاون تنظیم اور اقوام متحدہ کی سلامتی کونسل نے حکومتِ پاکستان اورعوام سے اظہار یکجہتی کیا ہے، سلامتی کونسل نے کہا ہے کہ تمام ریاستیں دہشت گردی کے خلاف اپنی عالمی ذمہ داریاں پوری کریں۔ ذمہ داروں اور سہولت کاروں کو انصاف کے کٹہرے میں لایا جائے۔

بلوچستان میں جعفرایکسپریس پردہشت گردی کی اقوام متحدہ کی سلامتی کونسل نے مذمت کرتے ہوئے کہا کہ تمام ریاستیں دہشت گردی کے خلاف اپنی عالمی ذمہ داریاں پوری کریں۔

اقوام متحدہ کی سلامتی کونسل نے مذمت کرتے ہوئے کہا ہے کہ بی ایل اے کے مجید بریگیڈ نے حملے کی ذمہ داری قبول کی ہے۔

سلامتی کونسل کا کہنا ہے کہ دہشتگردی عالمی امن و سلامتی کیلئے سخت خطرہ ہے، سلامتی کونسل نے تمام ریاستوں کو پاکستان کے ساتھ فعال تعاون پر زوردیا۔

اقوام متحدہ کی سلامتی کونسل نے مزید کہا جعفرایکسپریس حملے کے ذمہ داروں کو کیفرکردار تک پہنچائے۔ سیکیورٹی کونسل ارکان کا کہنا ہے کہ دہشتگردی کا ہر طرح سے مقابلہ کریں، سیکیورٹی کونسل ارکان نے متاثرین کے اہل خانہ سے افسوس اور دلی ہمدردی کا اظہار کیا۔

26 شہدا میں 18 کا تعلق آرمی اور ایف سی تھا، دہشتگرد کسی بھی یرغمالی کو ساتھ لے کر نہیں گئے، ڈی جی آئی ایس پی آر

دوسری جانب اسلامی تعاون تنظیم نے بھی جعفر ایکسپریس حملے کی شدید مذمت کی ہے۔ سیکریٹری جنرل حسین ابراہیم طحہٰ نے کہا ہر قسم کی دہشت گردی مسترد کرتے ہیں۔

انھوں نے دہشت گردی کے خلاف حکومتِ پاکستان اورعوام کے ساتھ اظہار یکجہتی اورمتاثرین کے اہلخانہ سے دلی ہمدردی کا اظہار کیا۔