نئی تحقیق سے پتہ چلا ہے کہ انسانی دماغ موت کے بعد کچھ دیر تک متحرک رہتا ہے۔ سائنسدانوں کو مرنے والے مریضوں میں دماغ کی غیر معمولی سرگرمی ملی، جو ان کے خیال میں دماغ سے متعلق ان کی زندگی کی آخری نشانی ہو سکتی ہے۔ اس دریافت سے دلچسپ سوال اٹھتا ہے کہ انسان کے مرنے کے بعد کیا ہوتا ہے۔

ڈاکٹر سٹورٹ ہیمروف، ایک اینستھیزیولوجسٹ اور یونیورسٹی آف ایریزونا کے پروفیسر نے بتایا کہ حالیہ مطالعات سے پتہ چلتا ہے کہ طبی لحاظ سے مردہ مریض میں دماغی سرگرمی ”روح کے جسم سے نکل جانے“ کی علامت ہو سکتی ہے۔

پروجیکٹ یونٹی کے ساتھ ایک انٹرویو میں، ڈاکٹر ہیمروف نے مطالعہ پر تبادلہ خیال کیا. انہوں نے وضاحت کی کہ زندگی کی تقریباً کوئی دوسری علامت نہ ہونے کے باوجود، الیکٹرو اینسفلاگرام (ای ای جی) کے ذریعے دماغ میں توانائی کا اضافہ دیکھنے میں آیا۔

موت کے وقت تیز روشنی اور مردہ رشتہ دار کیوں نظر آتے ہیں

موت کے فوراً بعد کیا ہوتا ہے؟ نرس کے دل دہلا دینے والے انکشافات

ڈاکٹر ہیمروف نے بتایا انسان کی موت کے بعد اس کے جسم کے تمام اعضاء کی حرکات بند ہوجاتی ہیں تاہم دماغ کی کچھ سرگرمیاں باقی رہتی ہیں۔ انہوں نے کہا کہ یہ وہی ہو سکتا ہے جو لوگ تقریباً مرتے وقت محسوس کرتے ہیں۔