ہوٹل انتظامیہ کو اکثر مہمانوں کے اس عمل سے مسئلہ درپیش رہتا ہے کہ وہ جان بوجھ کر یا ”حادثاتی طور پر“ باتھ روم کی چپل اپنے ساتھ لے جاتے ہیں۔

تاہم ممبئی کے ایک ہوٹل نے اس کا زبردست حل تلاش کرلیا ہے۔

بھارتی میڈیا رپورٹس کے مطابق بنگلورو کے ایک شخص تھیجسوی اڈوپا نے ایکس پر ایک پوسٹ میں ممبئی کے ایک ہوٹل میں دیکھی گئی ایک سمارٹ چال شیئر کی۔ انہوں نے ہوٹل کے تولیے پر رکھی چپلوں کی تصویر بھی پوسٹ کی۔

تھیجسوی اڈوپا نے ایکس پر پوسٹ میں لکھا کہ ممبئی کے اس ہوٹل میں باتھ روم کی مختلف چپلیں رکھی گئی ہیں، مگر اس بار چپلوں کو چوری کرنے سے بچانے کے لیے دو الگ الگ چپلیں رکھنے کا طریقہ آزمایا گیا ہے۔

یہ پوسٹ جیسے ہی وائرل ہوئی تو بھارتی سوشل میڈیا صارفین نے اس پر مختلف تبصرے کیے۔

ممبئی کے ہوٹل کی ماسٹر ٹرک پر ایک صارف نے تبصرہ کیا کہ یہ ایک ”جینیئس“ حل ہے، جبکہ دوسروں نے خیال ظاہر کرتے ہوئے لکھا کہ یہ ٹرک بالکل کام نہیں کرے گی۔

ایک صارف نے لکھا کہ بھارتیوں کو جانتے نہیں ہو، وہ یہ چپل بھی اٹھا لے جائیں گے۔